Zgjidh kondicionerin ideal për shtëpi apo zyrë. Modele portative, murale dhe inverter për freski dhe komoditet gjatë gjithë vitit.

Si të zgjedhësh kondicionerin e duhur – Udhëzues praktik

Si të zgjedhësh kondicionerin e duhur? Kur vjen puna për të blerë një kondicioner, shumë njerëz ndihen të pasigurt për shkak të termave teknikë dhe zgjedhjeve të shumta në treg. Për këtë arsye, kemi përgatitur një udhëzues të thjeshtë me 7 pika, që do t’ju ndihmojë të zgjidhni kondicionerin e duhur për shtëpinë apo biznesin tuaj.

1. Sa metra katror ka hapësira juaj?
Zgjidhja nis me sipërfaqen. Në përgjithësi:

  • 9000 BTU për 20-25 m²
  • 12000 BTU për 30-35 m²
  • 18000 BTU për 40-50 m²
  • 24000 BTU për mbi 55 m²

Çfarë është BTU?
BTU (British Thermal Unit) tregon fuqinë ftohëse ose ngrohëse. Sa më i lartë numri i BTU, aq më e madhe është kapaciteti për të ftohur një hapësirë më të madhe.

2. Inverter apo jo?
Teknologjia Inverter rregullon automatikisht shpejtësinë e kompresorit, duke kursyer energji dhe ruajtur një temperaturë konstante. Është më i qetë dhe efikas – ideal për përdorim të përditshëm.

3. Klasa energjetike – Çfarë nënkupton A++?
Kjo tregon sa energji harxhon pajisja. A+ është mirë, por A++ ose A+++ është shumë më mirë për kursim në faturë.

4. Çfarë janë SEER dhe SCOP?
Këto janë tregues që matin efikasitetin e kondicionerit:

  • SEER (Seasonal Energy Efficiency Ratio) tregon sa mirë ftoh një pajisje gjatë verës.
  • SCOP (Seasonal Coefficient of Performance) tregon sa mirë ngroh gjatë dimrit.

Sa më të lartë këto vlera, aq më efikas është kondicioneri.
Për shembull:

  • SEER mbi 6.1 = efikasitet i lartë në ftohje
  • SCOP mbi 4.0 = efikasitet i mirë në ngrohje

Këto numra gjenden zakonisht në etikën energjetike të pajisjes dhe ndihmojnë të krahasosh cilësinë reale midis dy modeleve.

5. Funksione të dobishme për komoditet
Shikoni për funksione si:

  • Sleep mode
  • Timer
  • Ionizator ajri
  • Kontroll nga aplikacioni
  • Filtra antibakterialë
  • Funksioni i ngrohjes për dimër

6. Gazi ftohës – R32 apo R410A?

  • R32 është më i avancuar, më miqësor me ambientin dhe konsumon më pak energji.
  • R410A është akoma në përdorim, por pritet të zëvendësohet gradualisht.

7. Zhurma dhe mirëmbajtja
Zhurma matet në decibel (dB). Sa më i ulët, aq më mirë për dhoma gjumi. Gjithashtu, mos harroni pastrimin periodik të filtrave dhe servisimin 1 herë në vit.

Përfundim
Nëse i kushtoni vëmendje këtyre 7 pikave, do të zgjidhni një kondicioner që nuk ju zhgënjen – as në verë, as në dimër. Te HOMESHOP.al gjeni markat më të mira me garanci, çmime konkuruese dhe shërbim të besueshëm.