Tavë Kosi me Mish Qingji – Shije nga Tradita

🥘 Tavë Kosi me Mish Qingji – Traditë Elbasani në Shtëpinë Tënde

Një nga recetat më të dashura të kuzhinës shqiptare – me mish të butë, kos dhe vezë të pjekura në furrë. Recetë klasike që bëhet edhe më lehtë me pajisjet e duhura nga HOMESHOP!

⏱️ Koha e Përgatitjes për Tavë Kosi me Mish Qingji

Gatimi në Multikuker: 20 minuta
Pjekja në furrë: 35–40 minuta
Totali: ~1 orë

🥩 Përbërësit për Tavë Kosi me Mish Qingji (4 persona)

(me vlerat kalorike për afërsisht)

700–800 gr mish qingji (kofshë ose brinjë) – ~1800 kcal
700 gr kos i trashë – ~300 kcal
3–4 vezë të freskëta – ~280 kcal
1 lugë gjelle miell – ~35 kcal
1 lugë gjelle vaj ose pak gjalpë për tavën – ~50 kcal
Kripë, piper – 0 kcal
Pak majdanoz (opsionale) – ~5 kcal

🔢 Totali për tavën: ~2470 kcal 🧍‍♂️ Kalori për racion (1 nga 4): ~615 kcal(25-30% te nevojave ditore)

1️⃣ Ziejmë mishin për 30 minuta në Multikuker

Pasi e pastrojmë dhe e presim mishin në copa të vogla, e vendosim në multikuker me rreth 200–250 ml ujë – mjafton sa ta mbulojë lehtë. Ne në HOMESHOP përdorëm Zanetti Ultra me programin Carne për 30 minuta. Mishi doli i butë, i shijshëm dhe pa u shpërbërë – fiks siç duhet për tavë.

Ndërkohë që mishi zihet, përgatisim salcën me kos dhe vezë, ngrohim furrën në 200°C dhe lyejmë tavën.
Kur të mbarojë mishi, gjithçka tjetër është gati për bashkim.👉 Pas zierjes, ruaj 3–4 lugë nga lëngu për ta shtuar në tavë bashkë me mishin – kjo e bën më të butë dhe aromatike gjatë pjekjes.😊 Shiko produktin

2️⃣ Përgatisim salcën me kos dhe vezë – zemra e tavës

Ne një enë të thellë tas inoksi per rrahje, rrahim mirë 3–4 vezë me një lugë gjelle miell. Shtojmë kosin pak nga pak, duke e përzier vazhdimisht derisa të kemi një masë kremoze, pa kokrriza.
Salca duhet të jetë e lidhur, jo e hollë si qumësht – të rrjedhë butë, por me trup. Nëse kosi është shumë i hollë, mund të shtosh edhe pak miell tjetër. Ne perdorëm Mikser Dore Me 6 Shpejtesi 400W AROMA GREY ESTIA GR. me shpejtësinë e ulët. Shiko produktin
Kjo është zemra e tavës – prandaj merre me dashuri, se këtu fillon aroma që mbush shtëpinë.

3️⃣ Vendosim mishin dhe pak lëng në tavë

Pasi mishi të jetë zier dhe salca e përgatitur, e vendosim mishin në një tavë të thellë me kapak. Shtojmë edhe 3–4 lugë nga lëngu i zierjes – jo më shumë, vetëm sa për të mbajtur tavën të butë gjatë pjekjes.
Mishi duhet të vendoset në një shtresë, jo të mbulojë njëri-tjetrin. Mos e përziej me salcën ende – ajo vjen më pas.

4️⃣ Hedhim salcën mbi mishin në tavë

Pasi mishi është vendosur bukur në tavë, e mbulojmë me salcën e përgatitur. Hidhe ngadalë dhe kujdesshëm që të shpërndahet njëtrajtësisht – çdo copë mishi duhet të mbulohet si me batanije kosi.
Mos përziej! Salca do të futet vetë poshtë gjatë pjekjes.
Nëse ka ndonjë flluskë ose boshllëk, tund pak tavën, jo lugën. Kjo është si mbyllja e një letre dashurie – me dorë të butë! 😊

5️⃣ Pjekim tavën në furrë derisa të marrë ngjyrë ari

Vendosim tavën në furrë të parangrohur në 200°C për rreth 35–40 minuta, në katin e mesëm.
Kur sipërfaqja të fillojë të marrë një ngjyrë të artë me cepa të pjekur – është koha të fikësh sobën.
Mos e nxirr direkt! Lëre të pushojë pak brenda me sobën e fikur – që të lidhet dhe të mos çahet kur ta servimosh.Nuk është vetëm për shije – është për sytë, për erën dhe për ata që presin me lugën në dorë. 😄

6️⃣ Servirim të ngrohtë – me kos në dorë dhe qesëll në zemër

E nxjerrim nga furra dhe e lëmë të pushojë 10 minuta. Mos u ngut ta servish direkt – lëre t’i vijë mendja vetë. Mishin e qingjit e ndajmë me lugë, jo me thikë, dhe gjithkush që ha – harron të flasë. Shërbeje me një sallatë të thjeshtë ose thjesht me një gotë kos të ftohtë. Tava është e shijshme – sidomos kur është bërë me produkte HOMESHOP

🛒 Pajisjet që përdorëm për këtë recetë